What a way dem brite

Well as you know it's a new week and that means a new Jamaica 50 challenge. Last week I unfortunately didn't place because there was only a top 2 :( Boo! But this week I came back to get the prize so to speak. So the theme for this week is to write a short story based on a Jamaican living abroad and their experiences there compared to their experiences in Jamaica. And that's what I did in Nella zest. Without further ado........Here it goes: 

What a way dem brite

It’s a regular Thursday afternoon and as usual Suzy and Stacy haffi chat pon dif one fi labbrish dem bizness.  What way dem two can chat! Look how long dem deh pon di fone ah waste up di fone bill? How dem can chat suh pon a regular? Lawd have mercy wen dis girl and har fren ah chat. Listen to dem and how dem ah chat chat out mi daylight outta mi night.

Suzy:     Hallo Stacy. Is Suzy!

Stacy:    Wah gwan mi sistren? .

Suzy:     Mi jus haffi hail yuh and keep yuh in di link wid mi bizness

Stacy:    A wah gwan up deh?

Suzy:     Mi seh Stacy what a way dem brite? A weh dem people yah ah chat bout?  Come ah tell mi bout foreign betta dan Jamaica. Fi mi Jamaica? No man dem mussi mad to blertnaut!

Stacy:    A wah yuh nah seh? A wah do dem ediat deh?

Suzy:     Dem tink seh dem betta dan wi wid dem high rise building and dem foreign fashion. Dem feel seh chu dem have yellow school bus weh pick up dem pickney ah dem gate dem betta dan wi. Dem feel seh chu ah dem mek KFC and Burga King ah dem know fi cook? Eehayah dem fool nuh faat. A weh dem know bout rundown, curry chicken and gizzada? 20 years ah ‘Merica and mi seh mi miss sweet sweet Jamdung. Mi miss di ahackee and salt fish, di fry fish and bammy. All di rock cakes mhmmm dem sweet suh til. Mi love jonkunnu festival and jcdc festival. Mi love di Hindepence day parade. Wuss Jamaica ah tun 50 dis yah year yah.

Stacy:    Yes iyah ah brite dem brite. So wah yuh tell dem?

Suzy:     Mi tell dem no weh nuh betta dan ah yaad and mi start describe everyting f idem. Yuh shudda see how dem face lite up and dem ah ooh and ahh wen mi chat. Mi haffi wonder if dem tink seh ah coc’nat tree mi live inna? Or hammack mi sleep inna? Chu dem nuh know seh ah werk mi come fi werk ah nuh lef mi lef mi yaad fi come betta place

Stacy:    Yes my girl gwan chu and promote wi island yes. Tell dem seh annu jus weed wi sell and run wi run like lightning wi live one beautiful life all over wi country inna wi different parishes.

Suzy:     Yes man mi haffi hinform dem sed ways. Heneways girl mi haffi guh back guh werk now. Ah use mi ah use di people dem lunch time fi labbrish. Mi ah guh werk. Lata.

Stacy:    Yes my girl bless up yuh self. Lata.