As Told By Nella

Hey guys. I finished prompt #2 in the Jamaica 50:50 prompt and it's officially up so I can share it with you all now. The theme this week was "Your character is a child in the 1962 Independence celebrations" So without further ado. Here goes my poem. I hope you enjoy and as usual comments are always welcomed. Oh and to vote for the poem just click on this link: http://50for50jubilee.wordpress.com/2012/06/08/independence-hullabaloo-by-ornella-green/ and comment. You can also check out other poems etc.

Hindependence Hullabaloo

by Ornella Green

August 20, 1962

Cuzzin suzie wah gwan?

My girl,

Yuh hear seh Jamaica get hindependence?

Bwoy mi nuh too kno weh dat mean

But mama seh wi free wi self from backa masta

Yes iyah dem all call election couple monts ago

And ah Missa Bustamante did win

No sah mi neva too care who did win still

All mi di wah hear ah no school and idle time

Mi did gawn afta dat

But mi seh yuh shudda deh ova yah

When August fifth midnight bell toll

Ah big big hexcitement bruk out

All fi di hindependence celebration

Mi seh mi chile

What a way di tings di nice

Maypole ah dance

Fireworks ah light up di sky

Clappaz ah buss

And di whole ah wi ah dance inna di street

What a piece ah sinting

Dem have big big ting

Ah National Stadium

Fi show wi di flag

Bwoy it pretty suh til

Wid wi colaz black, green and one gold ‘X’ inna di miggle

Den dem start sing wi new National Antem

“Heternal fadda bless hour land”

Ah suh mi tink it start

Mi nuh too know it yet

But mi glad fi tap sing dat blasted British Antem every morning

And haffi shout bout ‘God save the Queen’ like one blinking Jackass

Mi glad suh til

Di hexcitement reach mi

Ah wonder if ah dis daddy Sharpe di ah fight fah?

Or mas Marcus did ah preach?

Him seh back to Africa yes

But wi haffi start from someweh don’t?

Heneways cuzzin

Mi gone cuz mama ah call mi fi wash di clothes dem

Wah gwan fi yuh ah ‘Merica?

Lata,

Angie